56 titulo, iginawad ng SHFC sa Baguio City

Published on 04 September2024

Baguio City – Limampu’t anim na Transfer Certificates of Title (TCT) ang iginawad sa mga miyembro-benipisyaryo ng Blooming Hills HOA, Inc. Ph. II, Loakan Green Meadows HOA at Irisan HOA, Inc. noong ika-29 ng Agosto sa Baguio City.

Ipinagkaloob ni Accounts Management Cluster Senior Vice President Josefina Banglagan na kumatawan kay President and CEO Federico Laxa ang mga titulo para sa 33 na kababaihan at 23 na kalalakihan.

Kabilang sa mga dumalo upang magbigay ng kanilang mensahe ang Executive Assistant ni Baguio City Mayor Benjamin Magalong na si Vincent Jimenez, SHFC North Luzon Group Vice President Jones Tomas at SHFC AMD for Luzon 2 Manager Melchor Ricardo Bugho.

Ang pagkakaloob ng titulo ay kabilang sa pagdiriwang ng anibersaryo ng 36th Community Mortgage Program (CMP) na may temang “Empowering SHFC Communities: Celebrating Responsible Homeownership Through CMP.”